ವಿಶಾಲವಾದ ಹಣೆಯಲ್ಲಿ ಅಡ್ಡವಾಗಿ ಅಥವಾ ಉದ್ದುದ್ದವಾಗಿ ಗೆರೆಗಳು ಕಾಣಿಸಿಕೊಳ್ಳುತ್ತವೆ. ಕೆಲವರಿಗೆ ಬಾಲ್ಯದಿಂದಲೇ ಗೆರೆಗಳಿದ್ದರೆ ಸಾಮಾನ್ಯವಾಗಿ ನಲವತ್ತು ವಯಸ್ಸಿನ ನಂತರದಲ್ಲಿ ಗೆರೆಗಳು ಸ್ಪಷ್ಟವಾಗಿ ಕಾಣಿಸುತ್ತವೆ. ಅವುಗಳ ಲಕ್ಷಣ ವಿಶೇಷಗಳನ್ನು ಈ ರೀತಿ ವಿಶ್ಲೇಷಿಸಿದ್ದಾರೆ.
ಹಣೆಯಲ್ಲಿ ರೇಖೆಗಳೇ ಇಲ್ಲದಿರುವವರು ದೀರ್ಘಯುವಾಗಿ ಎಂಬತ್ತಕ್ಕಿಂತ ಹೆಚ್ಚು ವರ್ಷ ಬದುಕುತ್ತಾರೆ.
ಹಣೆಯಲ್ಲಿ ಕೂದಲುಗಳವರೆಗೆ ಅಡ್ಡರೇಖೆಗಳಿರುವವರು ದೀರ್ಘಾಯುಷ್ಯ ಉಳ್ಳವರು, ಚಿಂತಾಗ್ರಸ್ತರಾಗಿರುವರು .
ಹಣೆಯಲ್ಲಿ ಮೂರು ರೇಖೆಗಳನ್ನು ಹೊಂದಿದವರು ಶತಾಯುವೆನಿಸುವರು.
ಹಣೆಯಲ್ಲಿ ನಾಲ್ಕು ಅಥವಾ ಹೆಚ್ಚು ರೇಖೆಗಳಿರುವವರು ರಾಜಯೋಗವನ್ನು ಅನುಭವಿಸುತ್ತ 90 ವರ್ಷ ಗಳಿಗಿಂತಲೂ ಹೆಚ್ಚು ವರ್ಷ ಬದುಕುವರು, ಸುಖಿಯಾಗಿ ಇರುವರು.
ಹಣೆಯಲ್ಲಿ ಕತ್ತರಿಸಿದಂತೆ ರೇಖೆಗಳಿರುವವರು ಕಾಮಾಸಕ್ತಿ ಹೊಂದಿದವರು, ಪರಸ್ತ್ರೀ ಆಸಕ್ತರೂ ಆಗುವರು.
ಹಣೆಯಲ್ಲಿ ಅನೇಕ ಗೆರೆಗಳಿರುವವರು ಎಪ್ಪತ್ತು ವರ್ಷ ಆಯಷ್ಯ ಹೊಂದಿರುವರು.
ಎರಡನೆಯ ಅಡ್ಡರೇಖೆಯು ಹಣೆಯಲ್ಲಿ ಉದ್ದವಾಗಿ ಕಾಣಿಸಿದರೆ ಅರುವತ್ತು ವರ್ಷ ಆಯುಷ್ಯ ಹೊಂದುವರು.
ಹಣೆಯಲ್ಲಿ ವಕ್ರರೇಖೆಗಳಿರುವವರು ಐವತ್ತು ವರ್ಷಗಳವರೆಗೆ ಬದುಕುವರು.
ಹಣೆಯಲ್ಲಿ ಚಿಕ್ಕ ಚಿಕ್ಕ ರೇಖೆಗಳಿರುವವರು ಅಲ್ಪಾಯುವೆನಿಸಿ ನಲುವತ್ತು ವರ್ಷಗಳವರೆಗೆ ಬದುಕುವರು.
ಹಣೆಯಲ್ಲಿ ತ್ರಿಶೂಲಾಕೃತಿಯುಳ್ಳವರು ಸಂಪನ್ನನೆನಿಸಿ ಸಮರ್ಥನಾಯಕರಾಗಿ ದಕ್ಷ ಮತ್ತು ಶ್ರೀಮಂತರಾಗುವರು.
ಹಣೆಯಲ್ಲಿ ತಿಲಕದಂತೆ ಸ್ವತಃ ರಚನೆಯಾಗುತ್ತಿದ್ದರೆ ಸಮಾಜದ ಗೌರವಕ್ಕೆ ಪಾತ್ರರಾಗುವರು.
ಹಣೆಯಲ್ಲಿ ಸದಾ ರೇಖೆಗಳು ಕಾಣುವಂತಿದ್ದರೆ ಚಿಂತಾಗ್ರಸ್ತರಾಗುವರು.
